ဘုရားရှင်ကိုယ်တော်မြတ်သည် နောက်ပါအခြံရံ ရဟန်းများနှင့်တကွ နန်းတော်သို့ဆွမ်းစားကြွလာ သောအခါ နန်းသူနန်းသားများအားလုံး လာရောက်၍ဖူးမျော်ကြည်ညိုကြ၏ ထိုအထဲတွင် ယသော်ဓရာမင်းသမီး မပါဝင်ချေ ။ ဘုရားရှင်ကိုယ်တော်မြတ် နန်းတော်ထက်သို့ရောက်သည်နှင့် ယသော်ဓရာမင်းအား အဆောင်မှထွက်၍ ပူဇော်ရန် တိုက်တွန်းကြလေ၏ သို့သော်လည်း ယသော်ဓရာမင်းသမီးသည် ငါ အတွက် သူ့အားသွားတွေ့ဖို့ရာ မှန်ပါမည်လား ၊ ငါအား လိုအပ်တော့မည် မဟုတ်ပါ စောင့်ပြီးကြည့်နေတာပိုကောင်းမည် သူဒီးအဆောင်သို့ကြွ လာမှသာလျှင် ထိုက်တန်းသော ရိုသေးမှုကိုပေး၍ ဂါရဝပြုတော့မည်ဟု ယုံကြည်စွာနဲ့ဆုံးဖြတ်ခဲ့ပြီး သူ့အဆောင်ထဲ့၌သာနေလေ၏ ။ သို့သော်လည်း သူမ၏စိတ်သည် နန်းသူနန်းသားများနှင့်အတူ ဘုရားရှင်၏ရှေ့မှောက်၌ ရောက်ရှိကာ တောထွက်သွားသည့် ညမှစ၍ လွမ်းရတဲ့ရက်ပေါင်း ဆွေးရတဲ့လပေါင်းတွေ ဖြစ်ခဲ့သမျှအရားအားလုံးကို ဖွင့် ဟလျှောက်ထားပြီး အားရပါးရ ကန်တော့၍နေမိ၏ ။ ဘုရားရှင်ကိုယ်တော်မြတ်သည် ခမည်းတော်မင်းကြီးအား သပိတ်ပေးအပ်ပြီး အရှင်သာရိပုတ္တရာ နှင့် အရှင်မောဂ္ဂလာန် လက်ဝဲလက်ရာခြံရံလျှက် ယသော်ဓရာရှိရာ ခန်းမဆောင်သို့ကြွတော်မူခဲ့၏ ဘုရားရှင်ကိုယ်တော်မြတ်၏ စိတ်သန္တာန်၌ ယသော်ဓရာနှင့်ပတ်သက်၍ စိတ်ထိခိုက်စရာ ကြေကွဲစရာ ဝမ်းနည်း စရာ ခံးစားမှုတစ်ခုမှမရှိတော့ပါ ။ သို့သော်လည်း မိမိအပေါ် ယခင်ကပြုခဲ့ဖူးသောမေတ္တာတရားကို မေ့ပျောက် ခြင်းငှာ ပြုတော်မမူချေ ယောင်္ကျားမြတ်တို့၏ စိတ်သန္တာန်၌ မေတ္တာနှင့်ယှဉ်လျှက် သနားကြင်နာတက်သော ဂရုဏာစိတ်ရှိလေ၏ ။ ထို့ကြောင့် လင်ယောင်္ကျား အပယ်ခံမိန်းမတစ်ယောက်၏ ဝမ်းနည်းကြေကွဲခြင်း လွမ်းဆွေးတန်းတခြင်း အားငယ်တက်သောစိတ်ကို စာနာထောက်ထားသော စေတနာဖြင့် မိမိအပေါ် ထားရှိခဲ့ သော မေတ္တာဓါက်ကို ထိုထက် သာလွန်မြင့်မားသော မေတ္တာဓါက်ဖြင့် လက်ခံနိုင်တာ ယောင်္ကျားတို့မြတ်ဖြစ်လေသည် ။ အဲ့ဒီအတွက် အရှင့်တို့ ယသော်ဓရာမင်းသမီး ငါဘုရားရှင်အား သူကြိုက်နှစ်သက်သလို ဂါရဝပြုပါစေ ဘယ်သူမှ မတားမြစ်ကြကုန်လင့်ဟု မိန့်တော်မူလေပြီး ယသော်ဓရာခန်းမဆောင်သို့ဝင်တော်မူခဲ့၏ ခန်းမတစ် ခုလုံး တိက်ဆိတ်ငြိမ်သက်နေ၏ ယသော်ဓရာသည် မြတ်စွာဘုရားမထိုင်ခင်မှာပင် ခြေချင်းဝတ်အားဆုပ်ကိုင်ပြီး ခြေတော်တွင်သူမ၏ ဦးခေါင်းတင်လျှက် ရက်ပေါင်းများစွာ လပေါင်းများ ရင်ထဲတွင်ခံစား၍ လာခဲ့သော ဝေဒနာ များကို လျှောက်တင်လေသည် ။ မောင်တော်ဘုရား အ၀ါရောင်အဝတ်ကိုသာ ဝတ်ဆင်တယ်လို့ ကြားသိရသောအခါ တပြည့်တော်မလည်း ထို အဝတ်မျိုးကိုသာ ဝတ်ဆင်ခဲ့ပါ၏ ၊ တစ်ရက်တွင် တစ်ကြိမ်သာဆွမ်းဘုန်းပေးတယ်လို့ ကြားသိရသောအခါ တပြည့်တော်မလည်း တစ်ရက်တွင် တစ်ကြိမ်သာ ထမင်းစားပါခဲ့၏ ၊ မြတ်သောအိပ်ရာခုတင်တို့ကို စွန့်လွတ်ခဲ့တယ်လို့ ကြားသိရသောအခါ တပြည့်တော်မလည်း စွန့်လွတ်ခဲ့ပါ၏ဟု လျှောက်တင်သည့်စကားလုံး တိုင်းမှာ မျက်ရည်စက်များသည် ယသော်ဓရာ၏ မျက်ဝန်းအိမ်မှ ကျဆင်း၍လာလေသည် ထိုမျက်ရည်စက်များဟာ ဖြူစင်ပြည့်ဖြိုးသည့် ဘုရားရှင်ကိုယ်တော်မြတ်၏ ခြေဖမိုးတော်ဝယ် မဆည်းနိုင် မတန့်နိုင် ဖြိုင်းဖြိုင်းကျဆင်း၍ လာတော့သည် အားရပါးရသာ ငိုလိုက်ပါတော့ယသော်ဓရာ ………………. အချစ်ဆိုတဲ့ အမြစ်တွေ တွယ်တာနေသမျှတော့ နှောင်ဖြစ်လေရာ ဘဝတိုင်းမှာ ဆက်၍ဆက်၍ ငိုရဦးမည်…… မေတ္တာရဝေနွယ်………………………

စာပါလစေတီ၌ ဘုရားရှင်ကိုယ်တော်မြတ်သည် အာနန္ဒာ ဝေသလီပြည်သည် မွေ့လျော်ဖွယ်ရှိ၏ ဥဒေနစေတီစသည်တို့လည်းမွေ့လျော်ဖွယ်ရှိ၏ တစ်စုံတစ်ယောက်သောသူသည် ပြီးစီးခြင်း၏အခြေခံ ဣဒ္ဓိပါဒ် တရားလေးပါတို့ကို ကောင်းစွာအားထုတ်ထား၏ ထိုသူသည် အလိုရှိခဲ့သော် အာယုကပ်ပတ်လုံးဖြစ်စေ အာယုကပ်ထက်လွန်၍ဖြစ်စေ နေနိုင်၏ အာနန္ဒာ၊ ငါဘုရားသည်လည်းဣဒ္ဓိပါဒ်တရားလေးပါးကိုကောင်းစွာအားထုတ်ထားပြီးဖြစ်သောကြောင့် အလိုရှိလျှင် အာယုကပ်ပတ်လုံးဖြစ်စေ အာယုကပ်ထက်လွန်၍ဖြစ်နေနိုင်၏ ဟု သုံးကြိမ်တိုင်တိုင်မိန့်တော်မူခဲ့သော်လည်း အရှင်အာနန္ဒာသည် သဘောပေါက်ခြင်းငှါ မစွမ်းနိုင်ပဲ မာရ်နတ်နှောက်ယှက်ခြင်းကိုခံစားနေရရှာလေသည် ၊ အာနန္ဒာ ယခုအခါ သင်သွားရန်အချိန်တန်ပြီ သင်သွားလော့ အရှင်အာနန္ဒာသည် မနီးမဝေသောသစ်ပင်ရင်း၌ ထွက်ခွါသွားလေ၏ ။ မာရ်နတ်သည် မြတ်စွာဘုရားထံ ချဉ်းကပ်၍ တစ်ခုသောနေရာ၌ရပ်ပြီး ဘုန်းတော်ကြီးတော်မူသော မြတ်စွာဘုရား ပရိနိဗ္ဗာန်ပြုတော်မူပါလော ယခုအခါ ပရိနိဗ္ဗာန်ပြုရန် အချိန်တန်ပါပြီး မာရ်နတ် သင် မကြောင့်ကြလင့် ငါဘုရား၏ ပရိဗ္ဗာန်ပြုခြင်းသည် မကြာမည်ဖြစ်လိမ့်မည် ဤနေမှစ၍ နောက်သုံးလလွန်သောအခါ ပရိဗ္ဗာန်ပြုလိမ့်မည်ဟု မိန့်တော်မူလိုက်၏ ။ မြတ်စွာဘုရားရှင်ကိုယ်တော်မြတ်သည် စာပါလစေတီ၌ အာယုသင်္ခါရကို စွန့်လွတ်တော်မူ၏ ထို အသက်ရှည်ရန်ပြုပြင်မှု အာယုသင်္ခါရကို စွန့်လွတ်လိုက်သောအခါ ကြောက်မတ်ဖွယ်ရာ မြေငလျင်ကြီး လှုပ်လေ၏ နတ်တို့၏စည်တော်တို့သည်လည်း တခြမ့်ခြမ့်မြည်ကုန်၏ အာနန္ဒာ ယခုတဖန် ငါ့အား မာရ်နတ်သည် ပရိနိဗ္ဗာန်ပြုရန် အချိန်တန်ပြီးဟုလျောက်ထားပြန်၏ ငါဘုရားသည် ယနေ့မှစ၍ နောက်သုံးလလွန်မြောက်သောအခါ ပရိဗ္ဗာန်ပြုလိမ်မည်း မိန့်တော်မူပြီ ယခု စာပါလစေတီ၌ အသက်ရည်ရန် ပြုပြင်မှု အာယုသင်္ခါရကို ငါဘုရား စွန့်လွတ်လိုက်ပြီး အာနန္ဒာ ။ ကောင်းသောစကားကိုဆိုတော်မူတက်သော မြတ်စွာဘုရား အာယုကပ်လုံးတည်တော်မူပါလောဟု သုံးကြိမ်းတိုင်တိုင် သနားစရာတောင်ပန်းလျောက်ထားသော်လည်းပဲ ဘုရှင်ရှင်ကိုယ်တော်မြတ်သည် အာနန္ဒာ ငါဘုရား၏ဗောဓိဥာဏ်ကို ယုံကြည်ပါလျက် အဘယ်ကြောင့် ငါကို သုံးကြိမ်တိုင်တိုင် နှိပ်စက်ဘိသနည်း အာနန္ဒာ အသက်ရှည်ရန် ပြုပြင်မှုအာယုသင်္ခါရနှင့်ပတ်ပက်၍ သင်ကို ငါဘုရားထင်ရှားသောနိမိတ်အရောင်ကိုပြပါလျက် သင်သည် သဘောမပေါက်ခဲ့ချေ ထိုအခါက ဤကဲ့သို့သုံးကြိမ်တိုင်တိုင် တောင်ပန်ငြားအံ့ ငါသည်သင်၏ တောင်ပန်သောစကားကို နှစ်ကြိမ်သာ ငြင်းပယ်၍ သုံးကြိမ်းမြောက်မူကား လက်ခံရာ၏ ထိုအချိန်ခါက ဤကဲ့သို့မတောင်ပန်ခြင်းသည် သင်၏အပြစ်သာလျှင်ဖြစ်ချေ၏ သင်၏ချို့ယွင်းချက်သာလျှင်ဖြစ်ချေ၏ အာနန္ဒာ ။ ချစ်ခင်မြတ်နိုးရသူအားလုံးတို့နှင့် ရှင်လျက်နဲ့ကွဲကွာခြင်း ဘဝခြားလျက်ကွဲကွာရခြင်းဆိုတာကို ရှေ့ကပင် ငါဘုရားဟောကြားခဲ့ပြီး မဟုတ်ပါလော အာနန္ဒာ အရာအားလုံးတို့သည် ပျက်စီးခြင်းသဘောရှိလေ၏ ထိုအရာအားလုံးကို မပျက်စီးပါစေလင့် ဟု လိုလားတောင့်တချက်အတိုင် အဘယ်မှာ ရနိုင်အံ့နည်း ရနိုင်ရန် အကြောင်းတရားလည်းမရှိတော့ပေ အာနန္ဒာ ။ ငါသည် အသက်ရှည်ရန် ပြုပြင်မှု အာယုသင်္ခါရကိုလည်း စွန့်လွက်လိုက်ပြီး ယနေ့မှစ၍ နောက်သုံးလလွန်မြောက်သောအခါ ပရိနိဗ္ဗာန်ပြုလိမ့်မည်ဟု ဧကန်မုချ စကားကိုလည်းမိန့်ဆိုခဲ့ပြီးပြီ ငါဘုရားအား စွန့်ပယ်လိုက်ပြီးသော အသက်ရှည်ရန်ပြုပြင်မှုကို အသက်ရှည်စေလိုသောကြောင့် တဖန်ပြန်၍ ဖြစ်လာရန် အကြောင်းရာမရှိတော့ပေ အာနန္ဒာ ။ မြတ်စွာဘုရားရှင်ကိုယ်တော်မြတ်သည် နံနက်မိုးသောက်အလင်းရောက်သောအခါ ဝေသာလီပြည်သို့ ဆွမ်းခံလှည့်လည်ပြီးလျှင် ဝေသာလီပြည်မှထွက်ခွါခဲ့လေသည် ဖဲခွါခဲ့ပြီးသော ဝေသာလီပြည်ကို နောက်ပြန်လှည့်၍ ကြည့်ရှုတော်မူလေ၏ ယခုဝေသာလီပြည်ကို ကြည့်ရှုတော်မူခြင်းသည် ငါဘုရား၏ နောက်ဆုံးကြည့်ရူခြင်းသာဖြစ်လေ၏ အာနန္ဒာ ။ ပါဝါပြည်သို့ရောက်ရှိပြီး ရွှေပန်းထိမ်သည်သား စုန္ဒကပ်လှူသော နူးညံ့သောဝက်သားဖြင့်ဆွမ်းကို ဘုန်းပေးတော်မူပြီးသောအခါ ဘုရားရှင်ကိုယ်တော်မြတ်အား သေလိုက်အောင်ပြင်းထန်သော ဝမ်းသွေးလွန်ရောဂါဝေဒနာဖြစ်ပေါ်လာ၏ ထိုဝေဒနာကို သတိနှင့်ဆင်ခြင်လျှက် ပန်ပင်းသည်ဟုမရေတွက်ပဲ သည့်ခံတော်မူလေ၏ အာနန္ဒာ လာ .. … ကုသိနာရုံပြည်သို့သွားကြစို့………….. ကုသိနာရုံပြည် လမ်းခရီးဝယ် အာနန္ဒာ ငါဘုရားပင်ပန်းလှပြီ ထိုင်ဦးအံ့ ရေလည်းစာလွန်လှပြီး သောက်ရေကိုဆောင်ချေလော့ အရှင်ဘုရား ယခုပင် လှည်းအစီးငါးရာတို့သည် ဖြတ်ကူထားသောကြောင့် ချောင်းရေသည် နောက်ကျုလျက် စီနေပါ၏ အရှေ့၌ ကကုဓာမြစ် မဝေးလှတော့ပါ ထိုမြစ်သည် ကြည်လင်ချိုမြိန်အေးမြသော ရေရှိသည်ဖြစ်၍ ထိုမြစ်ရေကိုသာ သောက်တော်မူပါလော့ ဤကဲ့သို့ သုံးကြိမ်းမြောက်မိန့်ဆိုသောအခါ အရှင်အာနန္ဒာသည် သပိတ်ကိုယူကာ ထွက်ခွါသွားလေ၏ လှည်းများဖြတ်ကူးထားပြီး နောက်ကျူးနေသောချောင်းရေသည် အရှင်အာနန္ဒာရောက်ရှိလာသောအခါ ကြည်လင်သန့်ရှင်းလျှက်ရှိနေ၏ သပိတ်ဖြင့်ရေကိုခပ်ယူကာ မြတ်စွာဘုရားထံယူဆောင်လာပြီးကပ်လေ၏ အာနန္ဒာ ကုသိနာရုံမြို့ဝင်ခါနီး မလ္လမင်းတို့၏ အင်ကြင်းတောကိုဆက်သွားကြစို့ ။ အင်ကြင်းပင်အစုံတို့ အကြား၌ မြောက်အရပ်သို့ ဦးခေါင်းပြုကာ ညောင်စောင်းကိုခင်းလော့ အာနန္ဒာ ထိုညောင်စောင်းထက်ဝယ် မြတ်စွာဘုရားရှင်ကိုယ်တော်မြတ်သည် လက်ယာခြေပေါ်၌ လက်ဝဲ ခြေတော်ကိုတင်ထား၍ သတိနှင်ဆင်ခြင်လျက် လက်ယာနံတောင်းဖြင့် မြတ်သောလျောင်းစက်ခြင်းကို ပြုတော်မူ၏ ။ အခါမဲ၌ အင်ကြင်းပင်တို့သည် ပင်လုံးကျွက်ပွင့်လျှက် မြတ်စွာဘုရား၏ကိုယ်တော်ထက်သို့ ပူဇော်သည့်အနေဖြင့် ကြဲဖြန့်ကုန်၏ ကောင်းကင်မှ မန္ဒာရဝမည်သော နတ်ပန်းတို့သည်လည်း ကျလာကုန်၏ နတ်၌ဖြစ်သော စန္ဒကူနံ့သာမှုန့်တို့သည်လည်း ကောင်းကင်မှ ကျလာကုန်၏ နတ်တူရိယာတို့သည်လည်း မြတ်စွာဘုရားကို ပူဇော်သည့်အနေဖြင့် တီးမှုတ်လျက်ရှိကုန်၏ နတ်သီချင်းသံတို့သည်လည်း ကောင်းကင်၌ ဖြစ်ပေါ်လျက်ရှိကုန်၏ ထိုအခါ အရှင်အာနန္ဒာသည် ကျောင်းဆောင်အတွင်သို့ဝင်ပြီး တံခါးတိုင်ကိုမှီလျှက် ငါသည် ရဟန်းကိစ္စအားလုံးမပြီးမြောက်သေးသော သေက္ခပုဂ္ဂိုလ်မျှသာဖြစ်လေ၏ ငါ့အား ပြုဖွယ်ကိစ္စရှိသေး၏ ငါကို အစဉ်သနားတော်မူသော နောင်တော်ကြီး ဘုရားရှင်ကိုယ်တော်မြတ်သည် ယနေ့ညဥ့် သန်းခေါင်ယံအချိန်၌ ပရိနိဗ္ဗာန်ပြုတော့မည်ဟု ဝမ်းနည်းကြေကွဲ ပူဆွေးသောက ထိန်းမရတဲ့ မျက်ရည်စက်များနဲ့အတူ တိက်တိက်ကလေး ငိုကြွေးနေရှာ၏…………………… အာနန္ဒာ တန်တော့ မစိုးရိမ် မပူဆွေး မငိုကြွေးလင့် ဟု နှစ်သိမ့်တော်မူပြီး ချစ်သားတို့ ရုပ်နာမ်ဓမ္မ သင်္ခါရတရားတို့သည် ပျက်စီးခြင်းသဘောရှိသောကြောင့် မမေ့သောသတိတရားဖြင့် ကောင်းစွာအားထုတ်ပြီး နေရစ်ကြကုန်လော့ ဟု နောက်ဆုံးမှာကြားခဲ့ပြီး ကုသိနာရုံ မလ္လမင်းတို့၏ အင်ကြင်းတောဝယ် ညဥ့်သန်းခေါင်ယံအချိန်၌ ဘုရားရှင်ကိုယ်တော်မြတ် ပရိနိဗ္ဗာန်ပြုတော်မူခဲ့လေသည်…………… တလောကလုံး ဝမ်းနည်းကြေကွဲ ပူဆွေးသောက မျက်ရည်ကျပြီး ကျန်ရစ်ခဲ့ရှာပြီးပေါ့……………………………….. မြတ်နိုးတွယ်တာ ဘယ်ရာမဆို သေကွဲရှင်ကွဲ မလွဲသေခြာ တစ်ရက်မဟုတ် တနေ့ထို့မှာ ခွဲခွါရမည် ဓမ္မတာတည်း ………………….. မေတ္တာရဝေနွယ် ………………………………….